VV-026T: பயிர் காலநிலைகள் (Crop Phenology) — மகசூலைத் தீர்மானிக்கும் 4 முக்கிய கட்டங்கள்!
நவீன விவசாய ஆலோசனைகள்ல இருக்குற ஒரு மிகப்பெரிய தவறை இன்னைக்கு நாம தோலுரித்துக் காட்டப்போறோம். பெரும்பாலான ரசாயன உர நிறுவனங்கள் உங்களுக்கு ஒரு பொதுவான காலண்டர் அட்டவணையைத் தருவாங்க: “30-வது நாள் இந்த மூட்டையைப் போடுங்க, 60-வது நாள் அந்த மூட்டையைப் போடுங்க.” அவங்க உங்க பயிரை ஒரு மெஷின் மாதிரி நினைக்கிறாங்க—அதாவது தினமும் ஒரே கெமிக்கல் சூப்பைக் குடிச்சு வளர்ற ஒரு உயிரற்ற பொருள் மாதிரி நடத்துறாங்க.
ஆனா செடிகள் அப்படி இல்லை; அதுங்க தொடர்ந்து தங்களை மாத்திக்கிட்டே இருக்குற ஒரு உன்னதமான உயிர். பயிர் வளரும்போது அது கடந்து செல்லும் வெவ்வேறு வாழ்க்கை மைல்கற்களுக்கு அறிவியல்ல "பயிர் காலநிலைகள்" (Phenological Phases) என்று பெயர்.
ஒவ்வொரு கட்டம் மாறும்போதும், பயிர் தனக்குள்ள சுரக்கும் ஹார்மோன் ரெசிபியை (Hormone Code) மொத்தமா மாத்தி, தனக்குத் தேவையான ஊட்டச்சத்துத் தேவையைத் தலைகீழா திருப்பும். இந்த மாற்றுப் பாதையில (Transition Window) நீங்க தப்பான ஒரு சத்தைக் குடுத்தீங்கன்னா... பயிரோட ஹார்மோன் சமநிலை உடைஞ்சு, பூக்கள் வைக்காமல், காய் பிடிக்காமல், கண்ணுக்குத் தெரியாமலேயே உங்க மகசூல்ல பாதியை நீங்க இழந்துடுவீங்க. அதே சமயத்துல இத நீங்க எப்படி புரிஞ்சிக்கணும் அப்படின்னா - இங்க சொல்ற ஊட்டச்சத்துக்கள் மட்டும் தான் அந்த பருவத்துல தேவை அப்படின்னு அர்த்தம் இல்ல. மற்ற சத்துகளும் தேவை ஆனா அளவுல கொஞ்சம் கம்மியா தேவை.
அதிக லாபம் சம்பாதிக்க, உங்க பயிரோட இந்த 4 முக்கிய எல்லாக் கட்டங்களையும், அதோட சத்துத் தேவைகளையும் நீங்க கண்டிப்பா தெரிஞ்சுக்கணும்.
கட்டம் 1: வளர்ச்சிப் பருவம் / தழைப்பருவம் (The Vegetative Phase)
- என்ன நடக்கும்: இது பயிரோட குழந்தை மற்றும் இளமைப் பருவம். இந்த டயத்துல செடியோட ஒரே குறிக்கோள்—உடம்பை நல்லா பெருக்க வைக்கிறது மட்டும்தான். அதாவது அகலமான சோலார் பேனல் இலைகள், தடிமனான தண்டு மற்றும் ஆழமான வேர் அமைப்பைக் கட்டுவது.
- தேவைப்படும் சத்துக்கள்: இந்த முதல் கட்டத்தை நேரடியா இயக்குவது நைட்ரஜன் மற்றும் கால்சியம் ஆகும். கால்சியம் செடி செல்களின் செங்கல் சுவர்களைக் கட்டும்; நைட்ரஜன் இலைகளோட பச்சைய எஞ்சினை (Chlorophyll) உருவாக்கி ஒளிச்சேர்க்கையை வேகப்படுத்தும்.
- ஆபத்து: இந்த இடத்துல மண்ணுல கால்சியம் சத்து கம்மியா இருந்தா, செடி உயரமா வளரும் ஆனா உள்ளே பலவீனமா இருக்கும். இது வேர் அழுகல் நோய்க்கும், சாறு உறிஞ்சும் பூச்சிகளுக்கும் நீங்களே வைக்கிற இன்விடேஷன் கார்டு!
கட்டம் 2: மாற்றுப் பருவம் / பூப்பருவ மாற்றம் (The Changeover / Transition)
- என்ன நடக்கும்: இதுதான் ஒட்டுமொத்த விவசாயத்துலயே மிக மிக முக்கியமான, ஆனா பலராலும் மறக்கப்பட்ட ஒரு பருவம்! உங்க செடி அல்லது மரம் எத்தனை பூக்களைப் பூக்கணும், எத்தனை காய்களைத் தன் உடம்புல தாங்கிப் பிடிக்கணும்னு அதோட டி.என்.ஏ (DNA) முடிவு செய்யுற விசித்திரமான டயம் இது. இந்த நேரத்துல செடி தழை வளர்ச்சி ஹார்மோன்ல (Auxins) இருந்து பூக்கும் ஹார்மோனுக்கு (Cytokinins) மாறும்.
- தேவைப்படும் சத்துக்கள்: இந்த பிரம்மாண்டமான ஹார்மோன் மாற்றத்தைச் செய்ய பயிருக்கு அசாத்திய அளவு பாஸ்பரஸ் மற்றும் மாங்கனீசு (Phosphorus & Manganese) தேவை. பாஸ்பரஸ் இந்த மாற்றத்துக்கான பேட்டரி எனர்ஜியைக் (ATP) குடுக்கும்; மாங்கனீசு பூக்கும் சுவிட்சை ஆன் செய்யும்.
- விவசாயிகள் செய்யும் இமாலயத் தவறு: செடி நல்லா "கரும்பச்சையா" மாறணும்னு ஆசைப்பட்டு, பல விவசாயிகள் இந்த நேரத்துல கொண்டு போய் யூரியாவை (நைட்ரஜன்) கொட்டுவாங்க. இது ஒரு பேராபத்து! அதிக நைட்ரஜன் செடியைப் பூக்க விடாமல் தடுத்து, மீண்டும் இலைகளை மட்டுமே வளர்க்குற தழைப்பருவ லூப்புக்குள்ள (Vegetative Loop) செடியைத் திருப்பி அனுப்பிடும். அப்புறம் பூக்கள் ஒழுங்கா வைக்காது, மகசூல் பாதியா குறைஞ்சிடும்.
கட்டம் 3: பூக்கும் பருவம் (The Flowering Phase)
- என்ன நடக்கும்: பயிர் தன் இனப்பெருக்க உறுப்புகளைத் திறக்கும் பருவம். மகரந்தங்கள் வீரியமா இருக்கணும், செல் பிரிதல் (Cell division) மின்னல் வேகத்துல நடக்கணும், பூத்த பூக்கள் காம்பை விட்டு உதிராமல் கிளையோடு ஸ்ட்ராங்கா ஒட்டிக்கணும்.
- தேவைப்படும் சத்துக்கள்: இந்த கட்டத்தை முழுமையா ஆட்சி செய்வது போரான் மற்றும் கால்சியம் (Boron & Calcium). போரானை ஒரு லாரி டிரைவர் மாதிரியும், கால்சியத்தை சிமெண்ட் மாதிரியும் நினைச்சுக்கோங்க. போரான் தான் கால்சியத்தைக் கரெக்டா இழுத்துட்டுப் போய் பூக்குற முனைகள்ல சேர்த்து, காம்புகளை இரும்பு மாதிரி பலமாக்கும். மகரந்தக் குழாயை நீட்டிச்சு 100% பூக்கள் காயா மாற உதவி செய்வதும் போரான்தான்.
- ஆபத்து: மண்ணுல போரானோ அல்லது கால்சியமோ லாக் ஆகியிருந்தா... லேசான காத்துக்கோ அல்லது மழைக்கோ பூக்கள் கொத்து கொத்தா கீழே உதிர்ந்துடும் (Flower Drop). உங்க மரத்துல ஒரு லட்சம் பூ பூத்தாலும் ஒரு காய் கூட மிஞ்சாது!
கட்டம் 4: காய் பிடிக்கும் பருவம் / காய் திரட்சி (The Fruiting & Filling Phase)
- என்ன நடக்கும்: இலைத் தொழிற்சாலை ரெடியாகி, பூக்கள் காயா மாறிடுச்சு. இனிமேல் காய்களுக்கு எடையைக் கொண்டு வரணும். இலைகள் சமைக்கிற அத்தனை உயர்தர கூட்டுச் சர்க்கரைகளையும் (Brix) வேகம் வேகமா பழங்களுக்கும், காய்களுக்கும் கடத்தி, அதோட அடர்த்தியையும் (Specific gravity) எடையையும் கூட்டணும்.
- தேவைப்படும் சத்துக்கள்: இந்த இறுதி கட்டத்தை ஒட்டுமொத்தமா கன்ட்ரோல் செய்வது பொட்டாசியம் (Potash). பொட்டாசியம்ன்றது பயிரோட உடம்புக்குள்ள இருக்குற ஒரு ரயில்வே ட்ராக் மாதிரி வேலை செய்யுது. இலைகள்ல இருக்குற சர்க்கரை மூட்டைகளை ஏத்திட்டு போய் நேரா மாம்பழத்துலயோ, வாழையிலயோ அல்லது தேங்காயிலயோ இறக்கும். இதோட சேர்ந்து இலைகள் காயாமல் இருக்க மெக்னீசியமும் தேவை.
- ஆபத்து: இந்த டயத்துல பொட்டாசியம் கம்மியா இருந்தா... உங்க காய்கள் சிறுத்து, எடையில்லாமல், உள்ளே தண்ணீர் மாதிரி சவசவன்னு புளிப்பா இருக்கும். எக்ஸ்போர்ட் செய்யும்போது சீக்கிரம் அழுகிடும்.
நாம புரிஞ்சுக்க வேண்டிய விஷயம்:
காலண்டரைப் பார்த்து கண்மூடித்தனமா உரம் போடுறதை நிறுத்துங்க. உங்க வயல்ல நின்னு பயிரைப் பார்த்து கேளுங்க: “என் பயிர் இன்னைக்கு எந்தக் கட்டத்துல இருக்கு? அதோட ஹார்மோன் எஞ்சினுக்கு இப்போ என்ன டூல் (Tool) தேவை?”
பயிரோட காலநிலைக்கு ஏத்த மாதிரி நீங்க சத்துக்களைக் குடுக்கும்போது, நீங்க இயற்கையோட சேர்ந்து பிசினஸ் செய்யுறீங்க! அடுத்த பதிவுல, நெல் பயிரில இருக்குற வளர்ச்சி கால நிலைகள் பத்தி தெளிவா பார்ப்போம்.
இன்னும் பேசுவோம்.
ரவிசங்கர் கருப்பையா New ViVa Bio Nutrients www.newviva.in 934 204 9144
